TODAY'S WEATHER 

હવામાન સારાંશ

• ભારત મૌસમ વિભાગની આગાહી મુજબ આગામી પાંચ દિવસ દરમ્યાન, આણંદ જીલ્લામાં હવામાન મોટાભાગે સૂકું અને આકાશ ચોખ્ખું રહેવાની સંભાવના છે. મહતમ તાપમાન ૩૩ ડીગ્રી સે. જેટલું, લઘુતમ તાપમાન ૧૭ થી ૧૮ ડીગ્રી સે. તથા હવામાં ભેજનું પ્રમાણ ૩૦ થી ૭૦ ટકા રહેવાની શક્યતા છે, પવનની સરેરાશ ઝડપ ૮ થી ૧૨ કિમી/કલાક તેમજ પવનની દિશા મોટેભાગે ઉત્તર-પૂર્વ તરફ રહેવાની શક્યતા છે.

• આગોતરું અનુમાન: ૨૪ થી ૩૦ નવેમ્બર, ૨૦૨૪ દરમ્યાન ગુજરાત વિસ્તારમાં મહત્તમ તાપમાન સામાન્ય કરતા નીચું અને લઘુત્તમ તાપમાન સામાન્ય રહેવાની સંભાવના છે.

સામાન્ય સલાહ

• ઉભા પાકોમાં હવામાનની પરીસ્થિતિ અને જમીનના પ્રતને ધ્યાનમાં લઈ જરૂરિયાત મુજબ પિયત આપવું તેમજ પાક નિરીક્ષણ કરી પાક સંરક્ષણના પગલા લેવા.
• શિયાળુ પાકોની વાવણી માટે જમીનની તૈયારી કરવી અને વાવણી શરુ કરવી.
• વહેલી વાવણી/રોપણી કરેલ શિયાળુ પાકોમાં વરાપ થયે નિંદામણ કરવું.
• હવામાન આધારિત કૃષિ સલાહ અંગેની સ્થાનિક ભાષામાં માહિતી મેળવવા માટે મોબાઈલમાં મેઘદૂત એપ્લીકેશન ડાઉનલોડ કરવા માટે નીચેની લીંક પર ક્લિક કરો:

એન્ડ્રોઈડ યુઝર્સ માટે: https://play,google.com/store/apps/details?id=com.aas.meghdoot

આઈ.ઓ.એસ યુઝર્સ:  https://apps.apple.com/in/app/meghdoot/id1474048155

પાક

પાક અવસ્થા

રોગ/જીવાત

કૃષિ સલાહ

કેળ

વાનસ્પતિક

• કેળના પાકમાં હવામાન પરીસ્થિતિ અને જમીનના પ્રતને ધ્યાનમાં શિયાળામાં ૧૦ થી ૧ર દિવસે નિયમિત પાણી આ૫વું.
• મુખ્ય થડની બાજુમાંથી નીકળતા પીલા સતત દુર કરવા.
• રોપણી પછી પાંચમાં મહિને નાઈટ્રોઝનયુક્ત (એમોનિયમ સલ્ફેટ અથવા યુરીઆ) અને પોટાશયુક્ત (મ્યુરેટ ઓફ પોટાશ) ખાતરનો ભલામણ મુજબનો હપ્તો આપવો.

બીડી તમાકુ

વાનસ્પતિક

• વાવણી કરેલ પાકમાં જમીનમાં વરાપ થયે આંતરખેડ તથા નિંદામણ કરવું.
• તમાકુના ઉભા પાકમાં જમીનમાં પૂરતો ભેજ ન જણાય તો હળવું પિયત આપવું.
• વાકુંબાનો ઉપદ્રવ હોય તો તેનો સમયસર ઉપાડી નાશ કરવો.

પચરંગીયો

• રોગના નિયંત્રણ માટે કોઇપણ શોષક પ્રકારની કીટનાશક દવા જેવી કે મિથાઇલ-ઓ-ડીમેટોન ૨૫ ઇસી અથવા ડાયમીથોએટ ૩૦ ઇસી ૧૫ મીલિ ૧૦ લિટર પાણીમાં ભેળવી આકાશ ચોખ્ખુ હોય ત્યારે છંટકાવ કરવો.

ચોમાસું તુવેર

ફૂલની કળી બેસવી

લીલી ઈયળ

• લીલી ઈયળની મોજણી અને નિગાહ માટે ખેતરમાં હેક્ટરદીઠ પાંચની સંખ્યામાં ફેરોમોન ટ્રેપ ગોઠવવા.

પિયત

• તુવેરના પાકમાં ફૂલની કળી બેસવાની અવસ્થાએ જમીનમાં ભેજની અછત જણાય તો હળવું પિયત આપવું.

મરચી

ફૂલ/ફળ

કોકડવા/થ્રીપ્સ

• થ્રીપ્સ જીવાતના નિયંત્રણ માટે લીમડાનું તેલ ૩૦ થી ૫૦ મી.લિ.૧૦ લિટર પાણીમાં ઉમેરી છંટકાવ કરવો. આ જીવાતનો વધુ ઉપદ્રવ જણાય તો સ્પીનોસાડ ૩ મિ.લિ. ૧૦ લિટર પાણીમાં ભેળવીને છંટકાવ કરવો.

પાન કથીરી

• મરચીના પાકમાં નુકશાન કરતી પાનકથીરીના નિયંત્રણ માટે ડાયકોફોલ ૧૮.૫ ઇસી ૧૫ મિ.લિ. અથવા ડાયફેન્થુરોન ૫૦ ડબલ્યુપી ૧૦ ગ્રામ અથવા પ્રોપરગાઈટ ૫૭ ઇસી ૧૦ મિ.લિ. ૧૦ લિટર પાણીમાં ઉમેરી છંટકાવ કરવો.

• પાકમાં હવામાન અને જમીનના પ્રતને ધ્યાનમાં લઈ હળવું પિયત આપવું

ટામેટી

ફૂલ/ફળ

પાન કોરીયું અને પર્ણ-વ-ફળ વેધક

• પર્ણ-વ-ફળ વેધકની શરૂઆત થતા જ નર ફૂદા ને સમૂહ માં પકડવા માટે પીળા ચીકણા ટ્રેપ  ૪૦ પ્રતિ હેકટરે ગોઠવવા. વધુ ઉપદ્રવ જણાય તો ક્લોરાન્ટ્રાનીલીપ્રોલ ૧૮.૫ એસસી ૩ મિ.લિ. અથવા ફલ્યૂબેન્ડિયામાઈડ ૪૮૦ એસસી ૩ મિ.લિ. ૧૦ લિટર પાણીમાં ઉમેરી  હવામાન ખુલ્લું રહે ત્યારે છંટકાવ કરવો.

લીલી ઈયળ

• લીલી ઈયળના નર ફૂદાને આકર્ષતા ફેરોમોન ટ્રેપ હેકટરે ૪૦ પ્રમાણે ગોઠવવા અને લ્યુર દર ૨૧ દિવસે બદલવી.

• પાકમાં હવામાન અને જમીનના પ્રતને ધ્યાનમાં લઈ હળવું પિયત આપવું

રાઈ

વાવણી/ઉગાવો

• રાઈની બાકી વાવણી પૂર્ણ કરવી તેમજ વાવેતર કરેલ પાકમાં ભેજની અછત જણાય તો હળવું પિયત આપવું.

ચણા

વાવણી

• ચણાના વાવેતર માટે ગુજરાત ચણા-૧, ૨, ૩,  ગુજરાત જૂનાગઢ ચણા-૩, ૬ જેવી જાતોની પસંદગી કરવી.
• વાવણી સમય: ૧૫ ઓકટોબર થી ૨૫ નવેમ્બર
• બિયારણનો દર: ૫૦ થી ૬૦ કિ.ગ્રા./હે.
• વાવણી અંતર: બે હાર વચ્ચે ૩૦ સે.મી.
• રસાયણિક ખાતર: ૨૦:૪૦:૦૦ ના.ફો.પો./હે.(પાયામાં)

ઘઉં

વાવણી

• હાલ ઘઉંની વાવણી માટે હવામાન (રાત્રિ અને દિવસનું સરેરાશ ઉષ્ણતામાન ૨૦ થી ૨૫ ડીગ્રી સે.) અનુકુળ હોઈ વાવણી શરૂ કરવી.
• સમયસર વાવણી માટે જાતો: જી.ડબલ્યુ-૩૨૨, જી.ડબલ્યુ-૨૭૩, જી.ડબલ્યુ-૪૯૬, જી.ડબલ્યુ-૩૬૬, જી.ડબલ્યુ-૪૫૧
• બિયારણનો દર: ૧૨૦ થી ૧૨૫ કિ.ગ્રા/હે.
• વાવણી અંતર: બે હરોળ વચ્ચે ૨૨.૫ સે.મી.
• રસાયણિક ખાતર: ૧૨૦:૬૦:૦૦ કિ.ગ્રા. ના.ફો.પો./હે. (જે પૈકી ૬૦ કિ.ગ્રા./હે. નાઈટ્રોજન અને  ૬૦ કિ.ગ્રા. ફોસ્ફરસ/હે. વાવણી સમયે પાયાના ખાતર તરીકે આપવો.)
• ઉધઈના નિયંત્રણ માટે ઘઉંના બીજને વાવણીની આગલી રાત્રે ૧૦૦ કિ.ગ્રા. બિયારણ દીઠ ફિપ્રોનીલ ૫ એસસી ૬૦૦ મિ.લિ. અથવા કલોરપાયરીફોસ ૨૦ ઇસી ૪૦૦ મિ.લિ. ૫ લિટર પાણીમાં મિશ્ર કરી બિયારણને બિયારણને માવજત આપવી.

ધાણા

વાવણી

• વાવણી માટે જાતો જેવી કે ગુજરાત ધાણા-૧,૨ વગેરેની પસંદગી કરી વાવેતર કરવું.
• બીજનો દર: ૨૦ કિ.ગ્રા./હે.
• નવેમ્બર મહિનામાં ઠંડીની શરૂઆત થાય ત્યારે વાવણી કરવી.

રજકો

(ઘાસચારા)

વાવણી

• મધ્ય ગુજરાતમાં રજકાની વાવણી માટે જમીન ખેડી તૈયાર કરવી તેમજ તૈયાર કરેલ જમીનમાં જાતો જેવી કે જીએયુએલ-૧, આણંદ રજકા-૩, આણંદ રજકા-૪ જેવી જેવી જાતોની નવેમ્બર માસના બીજા અઠવાડિયા દરમિયાન કરવી.
• અંતર: બે હરોળ વચ્ચે ૨૫ સે.મી.
• બીજનો દર: ૧૦ કિ.ગ્રા./હેક્ટર

બટાટા

રોપણી

---

• હાલનું હવામાન બટાટાની રોપણી માટે અનુકુળ હોઈ રોપણી શરૂ કરવી..
• જાતો: રોપણી માટે કુફરી બાદશાહ, લોકર, પોખરાજ જેવી જાતોની પસંદગી કરવી.
• બીજ દર: ૨૫૦૦ થી ૩૦૦૦ કિ.ગ્રા./હે. ના દરે ૨૫ થી ૪૦ ગ્રામના તંદુરસ્ત બે થી ત્રણ આંખોવાળા ટુકડાં અથવા કંદ
• બીજ/કંદ માવજત: ૧૦૦૦ કિ.ગ્રા. બટાટાના કાપેલ ટુકડાંઓને ૫૦૦ ગ્રામ મેન્કોઝેબ + ૫ કિ.ગ્રા. શંખજીરુનો પટ આપી રોપણી કરવી.
• રોપણી અંતર: બે હાર વચ્ચે ૪૫ સે.મી. અને બે છોડ વચ્ચે ૨૦ સે.મી.
• રસાયણિક ખાતર:  ૧૧૦ કિ.ગ્રા. નાઈટ્રોજન/હે., ૧૧૦ કિ.ગ્રા. ફોસ્ફરસ/હે. અને ૨૨૦ કિ.ગ્રા. પોટાશ/હે. પાયાના ખાતર તરીકે આપવો.

પશુપાલન

• પશુઓના શરીર ઉપર કે કોઢ ગમાણમાં ઈતરડીને દૂર કરવા નજીકના પશુ દવાખાનાની સલાહ મુજબ દવાનો છંટકાવ કરવો. પશુઓને ખનિજયુક્ત મિશ્રણ સહિતનો ખોરાક આપવો.
• પશુઓને ખારવા મોવાના રોગનું રસીકરણ કરાવવું.